SULINNGIFFEQARNERMI ANGALANISSAMUT ANINGAASAATEQARFIK
FERIEFOND
Aningaasaateqarfimmut ilaasortaatinneqarput 01. januar 1997 aallarnerfigalugu Kalaallit Nunaanni ulluunerani paaqqinniffinni aamma ulloq unnuarlu angerlarsimaffinni perorsaasutut sulisut pillugit Kalaallit Nunaanni Naalakker-suisut aamma Perorsaasut Ilinniarsimasut Peqatigiiffiata akornanni isumaqatigiissut malillugu atorfinittut.
Akiliunneqarsinnaapput ukiut marluk ataavartumik atorfeqarsimasut.
Sulinngiffeqarnermi akiliunneqarluni angalasinnaatitaaneq ataavartumik atorfeqarsimanerup ukiut marlunngornissaa qaammatinik marlunnik sioqqullugu pisinnaavoq, piumasaqaataallunili atorfeqarneq ukiut marlunngunngitsut kipi-tinneqassanngitsoq.
Aningaasaateqarfimmiit taperneqarsinnaaneq ukiut marluk ataavartumik a-torfeqareersimanermiik (katersiffik) qaammatit 12-k qaangiutsinnagit atorneqareersimassaaq, taamaattoqanngippat taperneqarsinnaaneq annaaneqas-sagami.
Akiliunneqarnermi aamma ilaapput/pineqarput atorfillip katissimasaa - imaluunniit aapparisaq - meeraallu najugaqatit angalasinnaalernermi 18-it inorlugit ukiullit.
Akiliussisoqartarpoq ornigassamut Kalaallit Nunnaanniittumut imaluunniit nunatta avataaniittumut perorsaasup toqqagaanut, illoqarfimmiit nunaqarfimmiilluunniit suliffigisamiit annerpaamik Københavnimut uterlugulu billet-ip ake-qataanik akeqartumik.
Akiliunneqarluni angalasinnaatitaaneq taamaallaat inummut pineqartumut tunngavoq allamullu tunniunneqarsinnaanani. Akiliunneqarluni angalanissaq atorneqanngitsoq aningaasanngorlugu taarsiissuteqarfigineqarsinnaanngilaq.
Angalasoq atorfimminut uteqqittussaassaaq. Aningaasaateqarfimmit taperneqarluni angalanissaq suliunnaalernermi atorneqarsinnaanngilaq.
Angalanissamut aningaasaateqarfimmut qinnuteqartup P.I.P.'p allaffianut uku nassiutissavai:
è ”Feriefond - Angalanissamut allagartaq – Rekvisition”
immersoriigaq. P.I.P.-miit pissarsiarineqarsinnaavoq.
è Najugaqatigiinnermut kommunerisap uppernarsaasiaa, bopælsat-
test, arlaqarluni angalassagaanni.